Saavdhaan!! Kisi Ko Bhi Apna Dil Dene Se Pehle Saavdhaan, Ise Nahi Padoge To Mehenga Padega
Sabhi bhakton ko hamara dhong bhara aashirwad. Aaj hum aapko prem ke sambandh mein ek mahatvapoorn paath padhane ja rahe hain. Prem karne se pehle kuch baaton ko zaroor soch lena chahiye ki kahin jisse aap pyar karne ja rahe hain us insaan mein kuch aisi baatein to nahi hain jo aapke khushhal jeevan ko gum ke saaye mein daal sakti hain. Ye rahi kuch aisi baatein jinko apne humsafar ka chunaav karne se pehle aapko hamesha dhyaan mein rakhna chahiye. Yadi aap jiske saath apna jeevan bitana chahte ho, us insaan mein inmein se koi bhi baat fit baithti hai to sachet ho jaaiye, jeevan mein mushkilein badh sakti hain…
Shak Karne Waale Log:- Agar aapke premi/premika ko baat baat par shak karne ki aadat hai to aapko jald se jald us insaan se apna peechha chhuda lena chahiye, kyunki insaan pyaar karta hai taaki wo ek khushhal zindagi jee sake, par yadi koi aap par baat baat par shak kare to kya aap uske saath khush reh sakoge? Kabhi nahi bachha!
Baat Baat Par Gaali Dene Waale Log:- Bhoolkar bhi aise insaan se mel jol na badao jo baat baat par gaaliyan deta ho. Hamesha yaad rakho, sabhyata hi insaan ki pehchan hoti hai bhakton, Insaan ki pehchan uske kapdon se nah uski baateon se hoti hai.
Jo Doosaron ki Izzat Na karta Ho:- Aisa insaan jo kabhi bhi doosaron ki izzat na karta ho, kabhi bhi unke saath prem sambandh nahi banane chahiye, kyunki jo kisi ki izzat nahi karta wo aapki bhi izzat kabhi nahi karega, ye ek param satya hai bhakton.
Jise Khud Par Yekeen Hi Na Ho:- Aisa insaan jo har mushkil mein doosaron ka muh dekhta ho, chhote se chhote faisle mein bhi jise hamesha doosaron ka muh dekhna achha lagta ho, aise insaan ke saath aap kabhi bhi khush nahi reh sakte bachha.
Jise Aap Par Yakeen Na Ho:- Yadi koi kahe ki use aapse behad pyar hai, kintu use aap par yakeen hi nahi hai to bhakton kabhi bhi aap us insaan ke saath khus nahi reh sakoge, kyunki jahan yakeen hi na ho wo rishta kabhi safal nahi ho sakta.
Jo Waqt Ke Saath badalta Ho:- Apni zaroorat ke samay jo insaan aapse pyar bhari baatein karta hai, kintu apna matlab nikal jaate hi badal jaata hai, aise insaan se jitna door rho utna hi behtar hai bhakton.
Jo Aapki Zindagi Mein Had Se Zyaada Dakahl De:- Agar aap kisi aise insaan ke saath apna jeevan bitana chahte hain jo aapki apni zindagi mein kisi bhoot ki tarah peechhe pad gaya ho to bhakton usse to turant hi door ho jaao, warna zindagi aap jiyoge lekin uske isharon par. Theek kathputli ki tarah.
Why This Kolaveri Kolaveri Di
Aajkal hum charon dishaon mein sirf ek hi geet sun rahe hain bhakton “why this kolaveri kolaveri Di”. Iske ant mein jo ye ‘D’ naamak shabd aa raha hai isse hum bade chintit ho uthe the, hame laga ki ushman dal hamare khilaaf koi gehri chaal chal raha hai, isiliye kisi khaas bhaasah mein unhone ye gaana banaya hai. Isi baat se chintit hokar jab humne hamare khoofiya vibhaag se sampark
kiya to hume pata chala ki ye to hamare param bhakt Rajnikanth ke jamai jee ne gaaya hai to hume badi prasannata hui. Hamane apne china wale radio mein iska live video dekh daala. Bada hi madhur geet laga hame to. Kya baat kahi hai kehne waale ne:-
“white skin-u girl-u girl-u
girl-u heart-u black-u
eyes-u eyes-u meet-u meet-u
my future dark ”
Kisi ke rang roop ki itni achhi prasannta humne to aajtak nahi dekhi thee. Dil khush ho gaya hamara to. Is geet ko sunne se hume dakshin bharat ki yaad aa gayi, ab to hamare aashram mein subah ki aarti mein bhi yahi geet chalaya jata hai, aur hamne to apna caller tune bhi yahi rakh daala hai. Is geet mein do sundar see kanyaein bhi hain, ek to hamare param bhakt Rajnikanth ki putri hain, aur doosari hamare doodsare bhakt Kamal hashan ki putri hain. Ab to hum sauchalay mein bhi jaate hain to yahi hungunate hain “Why this kolaveri kolaveri kolaveri di” to bhakton aap bhi hame bataiye apne vichar ki “Why this kolaveri kolaveri kolaveri Di”?
No comments:
Post a Comment